On April 21, 2016 | 0 Comment [post_views]

Sooryanay Thazhuki

Song : Sooryanay Thazhuki
Movie : Sathyam Sivam Sundaram
Year : 2000
Singer(s) : KS Chithra
Music : Vidyasagar
Lyricist(s) : Kaithapram

സൂര്യനായ് തഴുകിയുറക്കമുണര്‍ത്തുമെന്‍
അച്ഛനെയാണെനിക്കിഷ്ടം
ഞാനോന്നു കരയുമ്പോളറിയാതെ
ഉരുകുമെന്‍ അച്ഛനെയാണെനിക്കിഷ്ടം
കല്ലെടുക്കും കളിത്തുമ്പിയെ പോലെ
ഒരുപാടു നോവുകള്‍ക്കിടയിലും
പുഞ്ചിരിചിറകു വിടര്‍ത്തുമെന്‍ അച്ഛന്‍ (2)

സൂര്യനായ് തഴുകിയുറക്കമുണര്‍ത്തുമെന്‍
അച്ഛനെയാണെനിക്കിഷ്ടം
ഞാനോന്നു കരയുമ്പോളറിയാതെ
ഉരുകുമെന്‍ അച്ഛനെയാണെനിക്കിഷ്ടം

എന്നുമെന്‍ പുസ്തകത്താളില്‍ മയങ്ങുന്ന
നന്മ തന്‍ പീലിയാണച്ഛന്‍ (2)
കടലാസു തോണിയെ പോലെന്റെ
ബാല്യത്തിലൊഴുകുന്നൊരോര്‍മ്മയാണച്ഛന്‍
ഉടലാര്‍ന്ന കാരുണ്യമച്ഛന്‍
കൈ വന്ന ഭാഗ്യമാണച്ഛന്‍

അറിയില്ലെനിക്കേതു വാക്കിനാ-ലച്ഛനെ
വാഴ്ത്തുമെന്നറിയില്ല ഇന്നും (2)

എഴുതുമീ സ്നേഹാക്ഷരങ്ങള്‍ക്കുമപ്പുറം
അനുപമ സങ്കല്‍പമച്ഛന്‍
അണയാത്ത ദീപമാണച്ഛന്‍
കാണുന്ന ദൈവമാണച്ഛന്‍
സൂര്യനായ് തഴുകിയുറക്കമുണര്‍ത്തുമെന്‍
അച്ഛനെയാണെനിക്കിഷ്ടം
ഞാനോന്നു കരയുമ്പോളറിയാതെ
ഉരുകുമെന്‍ അച്ഛനെയാണെനിക്കിഷ്ടം