On October 18, 2022 | 0 Comment [post_views]

Paalvarna kuthiramel

ഗാനം : പാൽവർണ്ണക്കുതിരമേൽ
ചിത്രം : കടുവ
വര്‍ഷം : 2022
ആലാപനം : ജേക്സ് ബിജോയ്, ലിബിൻ സ്കറിയ, മിഥുൻ സുരേഷ്, ശ്വേത അശോക്
സംഗീതം : ജേക്സ് ബിജോയ്
ഗാനരചന : സന്തോഷ് വർമ്മ

പാൽവർണ്ണക്കുതിരമേൽ ഇരുന്നൊരുത്തൻ ഇതാ-
പാമ്പിനെ എതിർക്കുവാൻ പുറപ്പെടുന്നേ..
പണ്ടത്തെ ചരിതത്തിൽ സഹദായെപ്പോലവൻ
നായാടാൻ മനസ്സു കൊണ്ടൊരുക്കമായേ…

ചിറകുണ്ട് ഫണമുണ്ടെന്നഹങ്കരിയ്ക്കും പാമ്പേ-
ഇവയൊന്നും ചിരകാലമിരിപ്പതല്ലാ..
പാരാകെ വിഷം തുപ്പും കുടിലപ്പാമ്പേ ചൊല്ല്
നേരിനെ ജയിപ്പാൻ നീ കരുത്തനാണോ…

മനമാണാ മിടുക്കന്റെ പടക്കുതിര ..
മതിയാണാ പോരാളിയ്ക്ക് തിളങ്ങും വേല്..
കുതിര തൻ കാലിൽ ചുറ്റിപ്പിടിയ്ക്കും പാമ്പേ –
പിടി കുതറിക്കുളമ്പടിച്ച് കുതിയ്ക്കും വീരൻ..

നിൻ വഴികളിൽ തടയിടും
ശിലകളെതിരെ പൊരുതി
നിൻ എതിരിനായ് അണയുമീ
നിരയിൽ കനല് വിതറി
നീ ഉശിരുമായ് കളമിതിൽ
കളികൾ തുടര് തുടര്
നിൻ അടരിൽ നീ അനുദിനം –
വിജയവഴിയിലണയ്

മദമടിമുടി നിറയും പാമ്പേ-
മതി മതി കളി മതി നിൻ ആട്ടം
രണ്ടാളിലെയൊരുവൻ മണ്ണിൽ
വീഴും വരെയിനിയീ യുദ്ധം..

പകലുകളും രാവും താണ്ടി  പട തുടരും നിൻ നേരേ
കുടിലതയെ പാടേ നീക്കാ-
നൊരു മഴു വീഴും അടിവേരിൽ
അകമേയേറിയ വൈരം നിന്നിലെ
വിഷമായ് മാറുമ്പോൾ…
വിളയാട്ടത്തിന് തീർപ്പുണ്ടാക്കാൻ
വരവായേ വീരൻ..