On January 17, 2017 | 0 Comment [post_views]

Chankaranenthyedaa

ഗാനം : ചങ്കരനെന്ത്യേടാ
ചിത്രം : ഗോഡ് സേ
വര്‍ഷം : 2017
ആലാപനം‍ : സന്നിധാനന്ദന്‍
സംഗീതം : ബിജിപാല്‍
ഗാനരചന : ആനില്‍ പനച്ചൂരാന്‍

ആ …കല്ലിട്ട മന്ത്രി കടങ്കഥയായിട്ടും
ചില്ലിട്ട പെട്ടി തുറക്കാതായിട്ടും
നോക്കാത്ത രാജാവ് നൊയമ്പിരിക്കുമ്പം
നോക്കുന്ന കൂലിക്കു നാക്കിട്ടടിച്ചിട്ടും
നാവോറു പാടീട്ടും ന്യായം പറഞ്ഞിട്ടും
പാലം വരാത്തതിൽ ഖേദം പ്രമാണിച്ചു
കേളൻ കുലുങ്ങീട്ടും നാണം കുണുങ്ങീട്ടും
ചങ്കരനെന്ത്യേടാ .. അവനിപ്പഴും തെങ്ങേലാ

ശങ്കരന്മാർ ചിലരെ ഈ ചങ്കരനും അറിയും
അദ്വൈതം ആദ്യമായ് ഓതി പഠിപ്പിച്ച ആദി ശങ്കരനും
മാർക്സിസം കൊണ്ടീ നാടിനെ മാറ്റിയ
ഈ എം എസ്സും ശങ്കരൻ
ശങ്കരന്മാരിവർ നന്മ ചൊരിഞ്ഞിട്ടും
നല്ലതു പാടീട്ടും വന്നിട്ടും പോയിട്ടും
ചങ്കരനെന്ത്യേടാ ..അവനിപ്പഴും തെങ്ങേലാ

ചങ്കരനെന്ത്യേടാ അവനിപ്പഴും തെങ്ങേലാ
തെങ്ങിന്റെ മണ്ടേലാ ഈ ബന്ധനമെന്താടാ
ഇനി മോചനമെന്നാടാ കള്ളം പറഞ്ഞൂടാ
ചങ്കരന്റെ കണ്ണ് കടഞ്ഞീടും
നേരു പറഞ്ഞൂടാ നാട്ടാരുടെ നെറ്റി ചുളിഞ്ഞീടും
കള്ളം പറഞ്ഞൂടാ ചങ്കരന്റെ കണ്ണ് കടഞ്ഞീടും
നേരു പറഞ്ഞൂടാ നാട്ടാരുടെ നെറ്റി ചുളിഞ്ഞീടും