On December 11, 2016 | 0 Comment [post_views]

Enthinu veroru sooryodayam

ഗാനം : എന്തിനു വേറൊരു സൂര്യോദയം
ചിത്രം : മഴയെത്തും മുന്‍പെ‍
വര്‍ഷം : 1995
ഗായകര്‍ : കെ.ജെ. യേശുദാസ്
സംഗീതം : രവീന്ദ്രന്‍
ഗാനരചന : കൈതപ്രം

എന്തിനു വേറൊരു സൂര്യോദയം …
എന്തിനു വേറൊരു സൂര്യോദയം …
നീയെന്‍ പോന്നുഷസ്സന്ധ്യയല്ലേ
എന്തിനു വേറൊരു മധുവസന്തം
എന്തിനു വേറൊരു മധുവസന്തം –
ഇന്ന് നീയെന്നരികിലില്ലേ
മലര്‍വനിയില്‍…വെറുതെ…
എന്തിനു വേറൊരു മധുവസന്തം

നിന്റെ നൂപുര മര്‍മ്മരം –
ഒന്നു കേള്‍ക്കാനായ് വന്നു ഞാന്‍
നിന്റെ സാന്ത്വന വേണുവില്‍
രാഗ ലോലമായ്‌ ജീവിതം
നീയെന്റെ ആനന്ദ നീലാംബരി
നീയിന്നും അണയാത്ത ദീപാഞ്ജലി
ഇനിയും ചിലമ്പണിയൂ… അണിയൂ

എന്തിനു വേറൊരു സൂര്യോദയം …

ശ്യാമ ഗോപികേ ഈ മിഴി-
പ്പൂക്കളിന്നെന്തേ ഈറനായ്
താവകാംഗുലീ ലാളനങ്ങളില്‍
ആര്‍ദ്രമായ്‌ മാനസം
പൂകൊണ്ടു മൂടുന്നു വൃന്ദാവനം
സിന്ദൂരമണിയുന്നു രാഗാംബരം
പാടൂ സ്വര യമുനേ …..

എന്തിനു വേറൊരു സൂര്യോദയം …
നീയെന്‍ പോന്നുഷസ്സന്ധ്യയല്ലേ
എന്തിനു വേറൊരു മധുവസന്തം –
ഇന്ന് നീയെന്നരികിലില്ലേ
മലര്‍വനിയില്‍…വെറുതെ…
എന്തിനു വേറൊരു മധുവസന്തം …