Amme mizhineerilaliyum

Song : Amme mizhineerilaliyum
Movie : Kalikalam
Year : 2012
Singer(s) : K J Yesudas
Music : Ousepachan
Lyricist(s) : ONV kurup

അമ്മേ മിഴിനീരിലലിയും നിലാവേ
ഏകാന്തതയുടെ തടവറയില്‍
ശോകാന്ധകാരത്തിന്‍ നിലവറയില്‍
നിർമ്മല സ്നേഹത്തിൻ
നിധികാത്തുവെയ്ക്കുന്നോരമ്മേ
നിന്‍ കണ്ണീരും പുണ്യതീര്‍ത്ഥം
ഏകാന്തതയുടെ തടവറയില്‍
ശോകാന്ധകാരത്തിന്‍ നിലവറയില്‍

ഉള്ളിലെ ദുഃഖങ്ങളാം വെള്ളരിപ്രാവുകളേ
നെന്മണിയൂട്ടുന്ന വാത്സല്യമേ
അമ്മേ പ്രകൃതിതന്‍ അവതാരമേ
അമ്മിഞ്ഞപ്പാലിന്റെ മാധുര്യമേ
നീ അപാരതപോലെ
പറന്നെത്താനാവാത്തൊരാകാശം പോലേ
ഏകാന്തതയുടെ തടവറയില്‍
ശോകാന്ധകാരത്തിന്‍ നിലവറയില്‍

തന്നിലേയ്ക്കൊഴുകിയെത്തും
കണ്ണുനീര്‍ച്ചോലകളേ
തന്‍നെഞ്ചിലലിയിക്കും സാഗരമേ
അമ്മേ സഹനത്തിന്‍ പൊന്‍തിടമ്പേ
അന്‍പിന്റെ പാല്‍ക്കടല്‍ കടയുന്നോളേ
നീ അനന്തത പോലെ
വായിച്ചു തീരാത്തൊരിതിഹാസം പോലെ

ഏകാന്തതയുടെ തടവറയില്‍
ശോകാന്ധകാരത്തിന്‍ നിലവറയില്‍
ശോകാന്ധകാരത്തിന്‍ നിലവറയില്‍
നിർമ്മല സ്നേഹത്തിൻ
നിധികാത്തുവെയ്ക്കുന്നോരമ്മേ
നിന്‍ കണ്ണീരും പുണ്യതീര്‍ത്ഥം
കണ്ണീരും പുണ്യതീര്‍ത്ഥം