On January 21, 2017 | 0 Comment [post_views]

Varnna vrindaavanam

ഗാനം : വര്‍ണ്ണവൃന്ദാവനം
ചിത്രം : കളിയൂഞ്ഞാല്‍‍
വര്‍ഷം : 1997
ആലാപനം : ലേഖ ആര്‍ നായര്‍
സംഗീതം : ഇളയരാജ
ഗാനരചന : കൈതപ്രം

വര്‍ണ്ണവൃന്ദാവനം എന്നുമുണ്ടാവുമോ
വര്‍ണ്ണവൃന്ദാവനം എന്നുമുണ്ടാവുമോ
ജന്മമുണരുമോ….
കണ്ണനുണ്ടാവുമോ രാധയുണ്ടാവുമോ
രാസവനികയില്‍ …
നവവസന്തമിവിടെ വരുമോ…
വനമുരളിയൊഴുകിവരുമോ
യദു വരുമോ യമുനയില്‍ വരുമോ

വര്‍ണ്ണവൃന്ദാവനം എന്നുമുണ്ടാവുമോ
ജന്മമുണരുമോ….
കണ്ണനുണ്ടാവുമോ രാധയുണ്ടാവുമോ
രാസവനികയില്‍ …

മീട്ടാത്ത ഗന്ധര്‍വവീണ
സ്നേഹമന്ത്രങ്ങള്‍ മീട്ടുന്നു
രാഗാര്‍ദ്രസിന്ദൂരമോടെ
പ്രേമസൂനങ്ങള്‍ പൂക്കുന്നു
സ്വപ്നങ്ങള്‍ പാടുന്നു ആത്മഗീതങ്ങള്‍
അലിവിന്‍ മധുമഴപോലെ..
പൂവായ പൂവെല്ലാം പൂ കൊണ്ടു മൂടുന്നു
അഴകിന്‍ അലര്‍ശരന്‍പോലെ
കാണുന്ന മാത്ര എന്നെ-
മെയ്യോടു ചേര്‍ത്തു പുല്‍കാന്‍
കാര്‍വര്‍ണ്ണൻ എന്നു വരുമോ…

ഞാനൊന്നു തഴുകുന്ന നേരം …
ദേവശില്‍‌പ്പങ്ങള്‍ മിന്നുന്നു
പാദങ്ങളിളകുന്ന നേരം …
ഗോപവൃന്ദങ്ങളാടുന്നു
കാതോടു കാതോരം കണ്ണോടു കണ്ണോളം
പ്രണയം തളിരണിയുന്നു
പൂങ്കുയില്‍ കൂകുന്നു പൊന്‍മയിലാടുന്നു
എങ്ങും.. ലയമണിയുന്നു
ഏകാന്തരാവില്‍ എന്നെ –
മെയ്യോടു ചേര്‍ക്കുവാനായ്
മണിവര്‍ണ്ണൻ എന്നു വരുമോ…

വര്‍ണ്ണവൃന്ദാവനം എന്നുമുണ്ടാവുമോ
ജന്മമുണരുമോ….
കണ്ണനുണ്ടാവുമോ രാധയുണ്ടാവുമോ
രാസവനികയില്‍ …
നവവസന്തമിവിടെ വരുമോ…
വനമുരളിയൊഴുകിവരുമോ
യദു വരുമോ യമുനയില്‍ വരുമോ
വര്‍ണ്ണവൃന്ദാവനം എന്നുമുണ്ടാവുമോ
ജന്മമുണരുമോ…..
കണ്ണനുണ്ടാവുമോ രാധയുണ്ടാവുമോ
രാസവനികയില്‍ ……