On January 17, 2017 | 0 Comment [post_views]

Swargaminnente

ഗാനം : സ്വര്‍ഗ്ഗമിന്നെന്റെ
ചിത്രം : സാഗരം സാക്ഷി
വര്‍ഷം : 1994
ആലാപനം‍ : കെ.ജെ. യേശുദാസ്
സംഗീതം : ശരത്
ഗാനരചന : കൈതപ്രം

സ്വര്‍ഗ്ഗമിന്നെന്റെ രാഗഭൂവില്‍ പെയ്തിറങ്ങി
ഗാനസാമ്രാജ്യമാകവേ.. മഞ്ഞണിഞ്ഞു
മുത്തുവീണെന്റെ മുറം നിറഞ്ഞൊരു മാത്രയില്‍
പാനപാത്രങ്ങള്‍ നിറഞ്ഞുകവിയും വേളയില്‍
സ്വരമൊഴുകിയൊഴുകി ഒഴുകിയെന്റെ കരളില്‍
കവിതയാകുന്നു സാന്ദ്രമായ്…

സ്വര്‍ഗ്ഗമിന്നെന്റെ രാഗഭൂവില്‍ പെയ്തിറങ്ങി
ഗാനസാമ്രാജ്യമാകവേ.. മഞ്ഞണിഞ്ഞു

ആരാണോ ദേവി നീ ആരാണോ
ചിരിതൂകും കാമിനീലതയാണോ
മല്ലീശരന്‍ തേടുമഭിരാമിയോ
തീരം തലോടുന്ന കല്ലോലമോ
ഏകാന്തരാവില്‍ തങ്കത്തൂനിലാവില്‍
ഏകാന്തരാവില്‍ തങ്കത്തൂനിലാവില്‍
നീയൊഴുകിയൊഴുകി ഒഴുകിയെന്റെ
കനവില്‍ മൃദുലമായ് വന്ന ഭാവമോ

നീയല്ലോ നിത്യമാം താരുണ്യം
കാണ്മൂ ഞാന്‍ ഭാവനാനിര്‍മ്മാല്യം
മൗനങ്ങളില്‍ വീഴുമീണങ്ങളില്‍
ഏകാകിനീ നിന്നെയറിയുന്നു ഞാന്‍
നീ എന്നിലണയും നിമിഷത്തുമ്പിയല്ലോ
നീ എന്നിലണയും നിമിഷത്തുമ്പിയല്ലോ
പൂഞ്ചിറകു വീശി ഒഴുകിയൊഴുകി-
യെന്നില്‍ പുളകമായ് വന്ന ചന്ദ്രികേ