On January 19, 2017 | 0 Comment [post_views]

Shaaradenthu paadi

ഗാനം : ശാരദേന്ദു പാടി
ചിത്രം : കളിയൂഞ്ഞാല്‍‍
വര്‍ഷം : 1997
ആലാപനം : കെ.ജെ. യേശുദാസ്
സംഗീതം : ഇളയരാജ
ഗാനരചന : കൈതപ്രം

ഒരു നാളും കേൾക്കാത്ത സംഗീതം
ഇന്നൊരു നാളും കാണാത്ത സ്വപ്നങ്ങൾ
പൂനിലാമൊഴികളായ് രാത്രിതൻ കവിതയായ്
പാടുന്നു പാടുന്നു പൂന്തിങ്കൾ
ആ..ആ.ആ പാടുന്നു പാടുന്നു പൂന്തിങ്കൾ

ശാരദേന്ദു പാടി നാളെ നല്ലനാളെ ഓമലേ
സാമഗാനമോതി സാന്ത്വനങ്ങൾപോലെ ഓമലേ
സ്നേഹശാരികേ എങ്ങു നിൻ മുഖം
സ്വപ്നദൂതികേ ഇനി എന്നു കാണുമോ
നാളെയീ ലോകമെൻ കൈകളിൽ

ശാരദേന്ദു പാടി നാളെ നല്ലനാളെ ഓമലേ..

ഒരു മാത്ര കാണുവാൻ വന്നതാണു ഞാൻ
വിളി ഒന്നു കേൾക്കുവാൻ നിന്നതാണു ഞാൻ
ഒരു മാത്ര കാണുവാൻ വന്നതാണു ഞാൻ
വിളി ഒന്നു കേൾക്കുവാൻ നിന്നതാണു ഞാൻ
തേങ്ങുമെൻ തെന്നലേ ..നീയുറങ്ങിയോ
താരിളം തിരകളേ കേണുറങ്ങിയോ
ഈ ശ്യാമരാവു നാളെ പുലരിയായ് വരും
നാളെ ഈ ചില്ലകൾ പൂവിടും

ശാരദേന്ദു പാടി നാളെ നല്ലനാളെ ഓമലേ..

മായാമരാളമായി നീ വരൂ പ്രിയേ
ചേതോഹരാംഗിയായ് ദേവീ നീ വരൂ
മായാമരാളമായി നീ വരൂ പ്രിയേ
ചേതോഹരാംഗിയായ് ദേവീ നീ വരൂ
നാളെ നിൻ അരികിലെൻ കുഞ്ഞുണർന്നിടും
കുഞ്ഞിളം മൊഴികളിൽ തേൻ ചുരന്നിടും
നാം കണ്ട പൊൻ കിനാക്കൾ കുളിരുമായ് വരും
നാളെ ഈ ലോകമെൻ കൈകളിൽ

ശാരദേന്ദു പാടി നാളെ നല്ലനാളെ ഓമലേ
സാമഗാനമോതി സാന്ത്വനങ്ങൾപോലെ ഓമലേ..
സ്നേഹശാരികേ എങ്ങു നിൻ മുഖം
സ്വപ്നദൂതികേ ഇനി എന്നു കാണുമോ
നാളെയീ ലോകമെൻ കൈകളിൽ
ശാരദേന്ദു പാടി നാളെ നല്ലനാളെ ഓമലേ
സാമഗാനമോതി സാന്ത്വനങ്ങൾപോലെ ഓമലേ..