On April 05, 2017 | 0 Comment [post_views]

Oru vakkinaal

ഗാനം : ഒരു വാക്കിനാൽ
ചിത്രം : 1971 ബിയോണ്ട് ബോര്‍ഡേര്‍ഴ്സ്
വര്‍ഷം : 2017
ഗായകര്‍ : എം. ജി. ശ്രീകുമാര്‍, ശ്വേത മോഹന്‍
സംഗീതം : രാഹുല്‍ സുബ്രഹ്മണ്യന്‍
ഗാനരചന : നിഖില്‍ എസ്‌ മത്തട്ടില്‍

ഒരു വാക്കിനാൽ വിട ചൊല്ലിയാൽ
മറു വാക്കുകൊണ്ടൊന്നു നീറാം
നെഞ്ചകം അതിമൂകമായ്
മിഴി വീശി ഞാൻ..
ഒളിനോട്ടമെത്തിച്ചു വീണ്ടും യാത്രയായ്
ഈറൻ മുകിൽ കൺപീലികൾ
നീരേറ്റുവീഴുന്ന നേരം …നോക്കാതെ-
പിൻ വാതിലിൻ മൗനങ്ങളെ
കൈ ചേർത്തു പുൽകുവാൻ തെല്ലും നീ കാതിൽ

ഈ പൂക്കാലം തനിയെ നീ തുഴയേണം
ആ.. തീരങ്ങൾ ചെന്നേറൂ നീ.. വേഗം
മണിച്ചുണ്ടിനേകാൻ ഉമ്മകൾ.. നീ-
മയങ്ങുന്ന രാവും കാത്തു ഞാൻ
മഴക്കാറ്റു പോലെ ദൂരെയായ്
മനസ്സാലെ നിന്നെ വീശിടാം ഞാൻ
തീരാനിലാ… മിന്നാരമേ…
വന്നെത്തി വിണ്ണിന്റെ ഈണം പാടേണം
താരങ്ങളും.. ആകാശവും ..
താരാട്ടി മായാതെ കൂട്ടായ് കൂടേണം..

ആ …കാത്തിരുന്നു നാളേറെയായ് ..
കാതോരമായ് മൂളുവാൻ …
കൂട്ടിവച്ച മോഹങ്ങളെ…
കൈക്കുമ്പിളിൽ നൽകുവാൻ..
ഇളമഞ്ഞിൻ തുമ്പിൽ ഈറൻ നിശാ മർമ്മരം
പകരുമോ ഇരവായ് എന്നരികെ ..

ഒരു വാക്കിനാൽ വിട ചൊല്ലിയാൽ
മറു വാക്കുകൊണ്ടൊന്നു നീറാം..
നെഞ്ചകം അതിമൂകമായ് …
മിഴി വീശി ഞാൻ …
ഒളിനോട്ടമെത്തിച്ചു വീണ്ടും… യാത്രയായ്…