On October 03, 2016 | 0 Comment [post_views]

Idanenchidippinte

ഗാനം : ഇടനെഞ്ചിടിപ്പിന്റെ മധുരം
ചിത്രം : ഒറ്റക്കോലം
വര്‍ഷം : 2016
ഗായകര്‍ : പി. ജയചന്ദ്രൻ
സംഗീതം : ഉണ്ണികൃഷ്ണൻ പറക്കൊട്‍
ഗാനരചന : ശ്ശ്രീ കുട്ടന്‍ പൌടിക്കോണം

ഇടനെഞ്ചിടിപ്പിന്റെ മധുരം നുണഞ്ഞെത്തും
ഉയിരിൻ കിതപ്പാണു പ്രേമം
വിരഹം വിതയ്ക്കാത്ത കലഹം നിനയ്ക്കാത്ത
ഉയിരിൻ ഉണർവാണ് സ്നേഹം
ഹൃദിയുടെ വിവിധ സുധാരസമേകുന്ന
ഋതുസംക്രമണമീ പ്രേമം
ഋതുസംക്രമണമീ പ്രേമം…

അണപൊട്ടിയൊഴുകുന്ന കണ്ണീർക്കണങ്ങളിൽ
ചിരിമുത്തു ചാർത്തുന്നു സ്നേഹം
ഇടയിലൊരാലസ്യ കുറുമ്പുകൾ കൂട്ടുന്ന
വിതുമ്പലിൽ ഊറുന്നു പ്രേമം-കാലം
വിരഹത്തിലാക്കുന്നു അന്ത്യം

വിധി ചെത്തി മിനുക്കിയ വൈഡൂര്യസ്മൃതികളിൽ
മഴവില്ലു തീർക്കുന്നു സ്നേഹം
പ്രണയ പരാഗരേണു പ്രഭാവങ്ങൾ
പ്രപഞ്ചദളങ്ങളിൽ നിന്നും-
സ്നേഹം കല്പാന്തകാലം ഒഴുകും