On August 30, 2017 | 0 Comment [post_views]

Ekayay Neyinnente

ഗാനം : ഏകയായ് നീയിന്നെന്റെ
ചിത്രം : കാറ്റ്
വര്‍ഷം : 2017
ആലാപനം‍ : പി. ഉണ്ണികൃഷ്ണന്‍
സംഗീതം : ദീപക് ദേവ്
ഗാനരചന : റഫീഖ് അഹമ്മെദ്

ഏകയായ് നീയിന്നെന്റെ മൺപാതയിൽ
മൂവന്തിയിൽ നീങ്ങീടവേ
പൊൻവെയിൽ നാളം ചൂടി
ആളുന്നൊരീ പുൽനാമ്പു പോൽ
മാറുന്നു ഞാൻ ..
ലോകവും മാറു..ന്നിതാ

കടലിലെ വെൺ തിരകളിൽ
ചിരിമലരു ചിന്നിയോ -തരിമണലിൽ
നിഴലുകൾ ഇടകലരുമീ
ചെറു തണലിനായ് നീ -ഇനിയണയൂ
പെരുന്നാളിന് പിറ പോലെ
ഇരുളിൽ വിരിയു നീ വാനിൽ
മാന്മിഴി മായാതെ നീയെങ്ങോ
പനിനീർ മലരാണെന്നുള്ളിൽ
ഒരായിരം കിനാവുമായ്

ഏകയായ് നീയി..ന്നെന്റെ മൺപാതയിൽ
മൂവന്തിയിൽ നീങ്ങീടവേ
ലോകവും മാറു..ന്നിതാ

സുറുമ പോൽ ആ മിഴികളിൽ
ഒരു കനവുമായ് ഞാൻ കലരുകയോ
കവിളിലെ നുണക്കുഴികളിൽ
ചെറുവിരലിനാലൊരു കഥയെഴുതാൻ
അറിയാതെ വന്നു നീ
മുറുകെ പുണരൂ പൂങ്കാറ്റായ്
തേൻ മൊഴി കേൾക്കുമ്പോൾ നീയെങ്ങോ
ഇശലിൻ വരവാണെന്നുള്ളിൽ
ചാരെയായ് ജീവനേ

ഏകയായ് നീയിന്നെന്റെ മൺപാതയിൽ
മൂവന്തിയിൽ നീങ്ങീടവേ
പൊൻവെയിൽ നാളം ചൂടി
ആളുന്നൊരീ പുൽനാമ്പു പോൽ
മാറുന്നു ഞാൻ …
ലോകവും മാറുന്നിതാ…