On May 10, 2018 | 0 Comment [post_views]

Eeran maarumomal

ഗാനം : ഈറൻ മാറുമോമൽത്തളിരില
ചിത്രം : അങ്കിള്‍
വര്‍ഷം : 2018
ആലാപനം : ശ്രേയ ഘോഷല്‍
സംഗീതം : ബിജിബാല്‍
ഗാനരചന : റഫീക്ക് അഹമ്മദ്

ഈറൻ മാറുമോമൽത്തളിരില മേലേ..
കാനനശലഭമുണർന്നെഴുനേൽക്കുന്നൂ..
ഈറൻ മാറുമോമൽത്തളിരില മേലേ..
കാനനശലഭമുണർന്നെഴുനേൽക്കുന്നൂ..
ഋതുപരിലാളനമേൽക്കുന്നു ഞാനും
ഇതേതോ.. ഇതേതോ.. കിനാവോ…

ഈറൻ മാറുമോമൽത്തളിരില മേലേ…
കാനനശലഭമുണർന്നെഴുനേൽക്കുന്നൂ..

പേരിടാനായ് പൂക്കളാകെ നിരന്നപോൽ
ആദ്യമായ് നിലാവുണരും പോലേ..
കാറ്റുമൂളും പാട്ടിലേതോ സ്വരങ്ങളെ
മൂകമീ മുളംകുഴലറിവതു പോലേ
വഴിയാത്രയിൽ ഒരു മാത്രയിൽ
വെളിവാകയായ് സകലം
കാടിൻ ഗന്ധം വാരിച്ചൂടി മേലാകേ

ഈറൻ മാറുമോമൽത്തളിരില മേലേ..
കാനനശലഭമുണർന്നെഴുനേൽക്കുന്നൂ..

ഞാറ്റുവേല താമസിക്കും കുടീരമോ
മാമലയ്ക്കു മേലേ കാണ്‍പൂ ദൂരേ
ആദ്യമായി വന്നുദിക്കും നിലാവിനെ
കൈകൾ നീട്ടി പാലകൾ തൊടുന്ന പോലെ
ഒരു മൈനയായ് ഒരു പൊന്മയായ്
ചിറകാർന്നുവോ ഹൃദയം
ആരും കാണാ കാലിൽ ചുറ്റി ആലോലം

ഈറൻ മാറുമോമൽത്തളിരില മേലേ..
കാനനശലഭമുണർന്നെഴുനേൽക്കുന്നൂ
ഋതുപരിലാളനമേൽക്കുന്നു ഞാനും
ഇതേതോ ഇതേതോ കിനാവോ…
ഈറൻ മാറുമോമൽത്തളിരില മേലേ..
കാനനശലഭമുണർന്നെഴുനേൽക്കുന്നൂ…