On October 16, 2016 | 0 Comment [post_views]

Aniyathipravinu

ഗാനം : അനിയത്തിപ്രാവിനു
ചിത്രം : അനിയത്തിപ്രാവ്
വര്‍ഷം : 1997
ഗായകര്‍ : കെ.എസ്. ചിത്ര & കോറസ്
സംഗീതം : ഔസേപ്പച്ചന്‍
ഗാനരചന : എസ് രമേശന്‍ നായര്‍

ആഹ്….ആആ…ആ…ആഹാ…
ആആ…ആ…ആഹാ…
അനിയത്തിപ്രാവിനു പ്രിയരിവര്‍ നല്‍കും
ചെറുതരിസുഖമുള്ള നോവ്
അതില്‍ തെരുതെരെ ചിരിയുടെ പുലരികള്‍ നീന്തും
മണിമുറ്റമുള്ളൊരു വീട്
ഈ വീട്ടിലെന്നുമൊരു പൊന്നോമലായ്
മിഴിപൂട്ടുമോര്‍മ്മയുടെ താരാട്ടുമായ്
നിറഞ്ഞുല്ലാസമെല്ലാര്‍ക്കും നല്‍കീടും ഞാന്‍

അനിയത്തിപ്രാവിനു പ്രിയരിവര്‍ നല്‍കും
ചെറുതരിസുഖമുള്ള നോവ്
അതില്‍ തെരുതെരെ ചിരിയുടെ പുലരികള്‍ നീന്തും
മണിമുറ്റമുള്ളൊരു വീട്

ലാ ലല ലലലല……ലാ ലല ലലലല……

സ്നേഹമെന്നും പൊന്നൊളിയായ്
ഈ പൂമുഖം മെഴുകീടുന്നൂ
ദീപനാളം പ്രാര്‍ഥനയാല്‍
മിഴിചിമ്മാതെ കാത്തീടുന്നൂ
ദൈവം തുണയാകുന്നൂ ജന്മം വരമാകുന്നൂ
രുചിഭേദങ്ങളും പിടിവാദങ്ങളും
തമ്മിലിടയുമൊടുവില്‍ തളരും

ഇവളെല്ലാര്‍ക്കുമാരോമലായ്
ഒളി ചിന്തുന്ന പൊന്‍ ദീപമായ്

അനിയത്തിപ്രാവിനു പ്രിയരിവര്‍
നല്‍കും ചെറുതരിസുഖമുള്ള നോവ്
അതില്‍ തെരുതെരെ ചിരിയുടെ പുലരികള്‍ നീന്തും
മണിമുറ്റമുള്ളൊരു വീട്

ലാ ലല ലലലല……ലാ ലല ലലലല……

കണ്ണുനീരും മുത്തല്ലോ
ഈ കാരുണ്യതീരങ്ങളില്‍
കാത്തുനില്‍ക്കും ത്യാഗങ്ങളില്‍
നാം കാണുന്നു സൂര്യോദയം
തമ്മില്‍ പ്രിയമാകണം നെഞ്ചില്‍ നിറവാ‍കണം
കണ്ണില്‍ കനിവൂറണം നമ്മളൊന്നാകണം
എങ്കില്‍ അകവും പുറവും നിറയും

ഇവള്‍ എന്നെന്നും തങ്കക്കുടം
ചിരി പെയ്യുന്ന തുമ്പക്കുടം

അനിയത്തിപ്രാവിനു പ്രിയരിവര്‍ നല്‍കും
ചെറുതരിസുഖമുള്ള നോവ്
അതില്‍ തെരുതെരെ ചിരിയുടെ പുലരികള്‍ നീന്തും
മണിമുറ്റമുള്ളൊരു വീട്
ഈ വീട്ടിലെന്നുമൊരു പൊന്നോമലായ്
മിഴിപൂട്ടുമോര്‍മ്മയുടെ താരാട്ടുമായ്
നിറഞ്ഞുല്ലാസമെല്ലാര്‍ക്കും നല്‍കീടും ഞാന്‍