On May 22, 2017 | 0 Comment [post_views]

Akale Oru Kaadinte

ഗാനം : അകലെ ഒരു കാടിന്റെ
ചിത്രം : രാമന്റെ ഏദന്‍തോട്ടം
വര്‍ഷം : 2017
ആലാപനം : ശ്രേയ ഘോഷാല്‍
സംഗീതം : ബിജിബാല്‍
ഗാനരചന : സന്തോഷ് വര്‍മ

അകലെ ഒരു കാടിന്റെ
നടുവിലൊരു പൂവില്‍
നുകരാതെ പോയ
മധു മധുരമുണ്ടോ
അവിടെ വന്നിളവേറ്റ
നാട്ടു പെണ്‍ പക്ഷി തന്‍
കഥ കേള്‍ക്കുവാന്‍
കാതു കാടിനുണ്ടോ

പൊന്‍ വേണുവില്‍ പാട്ട് തേടും
പൂന്തെന്നലിന്‍ പ്രണയമുണ്ടോ
ചെന്നിരിക്കുമ്പോള്‍ ഒരിറ്റു
സ്നേഹം തന്ന താലോലം
ആട്ടുന്ന ചില്ലയുണ്ടോ
ഇരുളിന്റെ നടുവില്‍ പറക്കുന്ന
തിരി പോലെ മിന്നാ
മിനുങ്ങിന്‍ വെളിച്ചമുണ്ടോ

അകലെ ഒരു കാടിന്റെ
നടുവിലൊരു പൂവില്‍
നുകരാതെ പോയ
മധു മധുരമുണ്ടോ

ഉദയങ്ങള്‍ തന്‍ ചുംബനങ്ങള്‍
ഉയിര് നല്‍കും കാട്ടരുവിയുണ്ടോ
രാത്രിയില്‍ രാഗേന്ദു
തൂനിലാ ചായത്തില്‍ എഴുതീടും
ഒരു ചാരു ചിത്രമുണ്ടോ
വേരറ്റു പോകാതെ പ്രാണനെ കാക്കുന്ന
സ്വച്ഛമാം വായു പ്രവാഹമുണ്ടോ